euFalo.tv (Explora)

Estudantes de Educación Infantil da Universidade da Coruña

Tue, 05 Feb 2013 21:12:14 +0100

Mozas e mozos dunha clase e Educación infantil quixeron contarnos en poucas palabras a súa relación coa lingua: en que falan e por que. A maioría son castelán falantes case todo o tempo, e aínda así falan galego estupendamente.

En Alemaña fálase: Rosmarie

Wed, 29 Jun 2011 19:13:52 +0200

Rosmarie Fuchs está a piques de rematar os seus estudos de Tradución en Leipzig (Alemaña). Tras varias visitas turísticas a Galicia, a súa curiosidade polo galego levouna a matricularse nun curso. Para comprobar o ben que fala despois de só catro meses estudando a lingua, non perdas este vídeo gravado no Centro de Estudos Galegos da Universidade de Leipzig.

En Alemaña fálase: Katja

Wed, 29 Jun 2011 19:01:52 +0200

Katja Bode é alumna do máster de Tradución en Leipzig (Alemaña) e estuda galego dende hai nove meses. Estivo de Erasmus en Santiago de Compostela e quedou namorada de Galicia e da cultura galega. Neste vídeo, gravado no Centro de Estudos Galegos da Universidade de Leipzig, cóntanos o gran potencial que lle ve á lingua galega.

En UK fálase: Jason

Mon, 16 May 2011 18:23:34 +0200

Jason Booker é estudante de filoloxia hispánica na Universidade de Bangor, onde leva estudando lingua e cultura galegas tres anos. O terceiro curso fíxoo na Universidade de Santiago de Compostela, e alí traballou nun proxecto sobre a historia das diferentes normativas do galego. No Centro de Estudos Galegos de Bangor fixéronlle esta entrevista.

Asifalo.eu: Os pronomes

Thu, 17 Mar 2011 19:45:12 +0100

A colocación correcta dos pronomes átonos é unha das maiores dificultades que afrontan os galegofalantes, sobre todo os neofalantes urbanos, pero non só eles. O noso profesor ilústranos con interesantes exemplos cales son os tipos de colocación destes pronomes e propón algunha solución que podería facer a vida do galegofalante máis grata e libre.

Queres unha casa?

Fri, 25 Feb 2011 20:42:04 +0100

Vídeo que presentan Raquel e Jenny ao concurso 24 horas gallego full screen. Descrición delas mesmas: a historia está baseada en feitos reais. Conta un día na vida dunha rapaza bielorrusa que traballaba en Galicia sen saber absolutamente nada de castelán e utilizaba unhas poucas frases galegas que dominaba case á perfección.

Co galego... ata o inferno

Fri, 25 Feb 2011 20:00:22 +0100

Vídeo de Roberto Conde para o concurso 24 horas full screen. Tras falecer nun accidente de tráfico, Rubén Prieto ten algúns problemas lingüísticos con san Pedro e, non contento cos requerimentos que lle fan no ceo para poder entrar, decide marchar a outro lado...

Na Coruña fálase: De compras

Fri, 24 Dec 2010 12:34:28 +0100

Despois do baño na praia de Riazor, Isabel Risco levounos a outro "templo" cascarilleiro, a praza de Lugo. Porque a compra e venda de marisco e peixe tamén se fai en galego, aínda que seña no mesmiño centro da Coruña.

Na Coruña fálase: Na praia

Mon, 13 Dec 2010 10:40:43 +0100

A Coruña apanda co mito de ser unha cidade na que non se fala galego, pero nesta serie e da man de Isabel Risco imos tentar derrubalo. Comezamos o noso experimento unha mañá de inverno na praia de Riazor, preguntándonos canto tardariamos en atopar un galegofalante entre a xente que paseaba por alí. E atopamos unha, e outro, e outros dous... moitos máis dos que pensabamos!

En UK fálase: Michael

Tue, 16 Nov 2010 17:13:04 +0100

Michael é inglés, da mesma vila onde naceu Shakespeare. Estudou galego na Universidade os tres últimos anos, pero nunca estivo en Galicia. O vídeo foi gravado no Centro de Estudos Galegos de Birmingham por Séchu Sende.